Tjaldsvæðið er frábærlega staðsett, við hliðina á sundlaugunum í Laugardal. Auk sundlauganna er stutt í aðra þjónustu og afþreyingu. Má þar m.a. nefna íþróttaaðstöðuna í Laugardalnum, fjölskyldu- og húsdýragarðinn, grasagarðinn og listasafn Ásmundar Sveinssonar. Tjaldsvæðið er opið frá 15. maí – 15. september. 

Á svæðinu er mjög góð aðstaða fyrir húsbíla og tjaldvagna. Um 40 bílar geta tengt samtímis í rafmagn og skammt frá svæðinu er aðstaða til að losa ferðasalerni. Ekki þarf að panta gistingu fyrirfram og ekki eru tekin frá pláss. Frá 1.júní - 1. september er 24 tíma gæsla á svæðinu og þurfa því gestir ekki að tilkynna komu sína ef þeir sjá fram á að vera seint á ferð. Sé ferðast saman á mörgum húsbílum eða tjaldvögnum eru menn þó hvattir til að láta vita af ferðum sínum. Stórir tjaldhópar (20+) eru hvattir til að gera slíkt hið sama.

Tjaldsvæðið í Reykjavik  Sundlaugarvegur 32  105 Reykjavík Sími 568 6944  Fax 588 9201  info@reykjavikcampsite.is Copyright ©www.reykjavikcampsite.is - Allur réttur áskilinn.